DTE - Home

ഇൻഡസ്ട്രി ഓൺ ക്യാമ്പസ് (ഐ.ഓ.സി)

ഇന്നത്തെ വ്യവസായമേഖല പ്രത്യേക വൈദഗ്ധ്യമുള്ള ബിരുദധാരികളെ തിരയുന്നു. വ്യവസായ മേഖല, വ്യവസായത്തിന് അനുയോജ്യരായ ഉദ്യോഗാർത്ഥികളെ തിരഞ്ഞു എടുക്കാൻ താല്പര്യപെടുന്നു. അത്തരമൊരു സംസ്കാരം സുഗമമാക്കുന്നതിനും പരിപോഷിപ്പിക്കുന്നതിനും, വിദ്യാർത്ഥികൾ ക്യാമ്പസിൽ ആയിരിക്കുമ്പോൾ വ്യവസായ സംസ്കാരവുമായി ഒരു എക്സ്പോഷർ നേടേണ്ടത് അത്യാവശ്യമാണ്.

വ്യവസായങ്ങളുടെ ആവശ്യകതയും അത് വിദ്യാർത്ഥി സമൂഹത്തിനും അധ്യാപക സമൂഹത്തിനും നൽകുന്ന ദീർഘകാല നേട്ടങ്ങളും മനസ്സിലാക്കി, G.O.(Ms) No.257/2021/HEDN, Dated 03.05.2021 എന്ന ഉത്തരവ് വഴി, ഇൻഡസ്ട്രി ഓൺ ക്യാമ്പസ് (ഐ.ഓ.സി) പ്രോഗ്രാം നടപ്പിലാക്കി. സംസ്ഥാനത്തുടനീളമുള്ള പോളിടെക്‌നിക് കോളേജുകളിൽ നടപ്പിലാക്കിയ സർക്കാരിൻ്റെ ഈ മുൻനിര പരിപാടി, വ്യവസായങ്ങളും അക്കാദമിക് സ്ഥാപനങ്ങളും തമ്മിലുള്ള സഹകരണം പ്രോത്സാഹിപ്പിക്കുകയും പരസ്പര പ്രയോജനകരമായ പങ്കാളിത്തം സൃഷ്ടിക്കുകയും ചെയ്യുന്നു. ഐഒസി പ്രവർത്തനങ്ങൾ പ്രോത്സാഹിപ്പിക്കുന്നതിനുള്ള ഉപകരണങ്ങൾ വാങ്ങുന്നതിന് സർക്കാർ ഭരണാനുമതിയും നൽകി. അതനുസരിച്ച് അഡീഷണൽ സ്കിൽ അക്വിസിഷൻ പ്രോഗ്രാം (അസാപ്) ഗവൺമെൻ്റ് പോളിടെക്നിക് കോളേജുകളിലെ അഡ്വാൻസ്ഡ് സ്കിൽ ഡെവലപ്മെൻ്റ് സെൻ്ററുകളിൽ ഹൈ എൻഡ് ഇൻഡസ്ട്രി ലെവൽ ലബോറട്ടറികൾ സ്ഥാപിച്ചു.

സാങ്കേതിക സ്ഥാപനങ്ങളിൽ ഐഒസി എന്ന ആശയം അവതരിപ്പിക്കുകയും വ്യവസായ പ്രസക്തമായ വിവിധ പ്രവർത്തനങ്ങൾ ആരംഭിക്കുന്നതിന് അവരെ കൈപിടിച്ച് നടത്തുകയും ചെയ്യുന്നത് അസാപ് ഫലപ്രദമായി ചെയ്തു. ഇപ്പോൾ സാങ്കേതിക വിദ്യാഭ്യാസ ഡയറക്ടറേറ്റിൽ IOC പ്രവർത്തനങ്ങൾക്ക് എല്ലാ ഭരണപരവും സാങ്കേതികവുമായ ഉപദേശ മാർഗ്ഗനിർദ്ദേശങ്ങളും പിന്തുണയും നൽകുന്നതിനുള്ള ഉത്തരവാദിത്തം നിക്ഷിപ്തമാണ്.

ലക്ഷ്യങ്ങൾ

" Earn While You Learn " എന്ന മനോഭാവം ഉൾക്കൊണ്ടുകൊണ്ട് സ്ഥാപനത്തിലെ യഥാർത്ഥ വ്യവസായ അന്തരീക്ഷത്തിലേക്ക് എക്സ്പോഷർ നൽകിക്കൊണ്ട് വിദ്യാർത്ഥികൾക്കിടയിൽ ഒരു സംരംഭകത്വവും ഉൽപ്പന്ന നവീകരണവും വളർത്തിയെടുക്കാനും പ്രോത്സാഹിപ്പിക്കാനും.

ഗുണങ്ങൾ

ഈ സ്കീം " Earn While You Learn and Learning through Experience " എന്നീ ആശയങ്ങളുടെ വിജയത്തിൻ്റെ തെളിവായി നിലകൊള്ളുന്നു. ഇത് വിദ്യാർത്ഥികളുടെ എംപ്ലോയബിലിറ്റി ക്വാട്ടൻ്റ് മെച്ചപ്പെടുത്തുകയും അവരുടെ പ്ലേസ്‌മെൻ്റ് സുഗമമാക്കുകയും ചെയ്യുന്നു.